أكاديمية ستورى بوست
7 خطوات علشان تقدر تحافظ على جمهورك!
كتير مننا ممكن لمرة واحدة ينجح في إنه يكتب بوست قوي، الجمهور يتفاعل معاه بشكل كبير ومن خلاله يحظى بعدد من المُتابعين، ولكن قليل جدًا اللي يعرف إزاي يقدر يستمر ويجذب مُتابعين جُدد أو على الأقل يحافظ على المُتابعين اللي كسبهم.
في البداية خلينا نتفق إن الجمهور بشر ليهم طاقة ووقت معين للسوشيال ميديا، بمعني تاني إنه في النهاية مهما كان عنده المقدرة على متابعة أشخاص وصفحات أو مشاهدة فيديوهات وقراءة بوستات، مش هيقدر إنه يضيف كل يوم جديد من غير ما يقلل من متابعه صفحة أو شخص قديم، وبشكل أوضح.. قصاد كل متابعة جديدة.. في إلغاء متابعة لصفحة أو شخص قديم.
علشان كدة النجاح الأهم مش إنه يكون لك مُتابعين، النجاح الحقيقي هيكون في إنك تحافظ عليهم.
وفي البوست دة هنقول لك 7 خطوات تقدر من خلالهم تحافظ على جمهورك..
1. خليك موجود:
خليك دايمًا موجود على السوشيال ميديا، خلي جمهورك يشوفك باستمرار على صفحته الرئيسية علي الأقل في الأحداث الكبيرة اللي يحب يسمع رأيك فيها، ودة مش معناه إنك تشارك بمحتوى "فاضي" لأن الجمهور بيقدر يفرق مابين المحتوى الكويس، والمحتوى الفاضي".
2.تابع التريندات:
تابع كل جديد مُتابعينك مُهتمين بيه، ولو عندك وجهة نظر ممكن تكون بالنسبة له إضافة في الجديد اللي بيحصل، شاركه بيها.
وتقدر تعرف أي تريند من هنا:
3.ابني علاقة معاهم
علشان تحافظ على جمهورك، لازم تبني معاهم علاقة حقيقية زي أي علاقة بين البشر في الحياة الحقيقية، وده لازم يكون فيه مُشاركة متبادلة من طرفك ومن طرف الجمهور للاهتمامات والأفكار.
4. جددّ محتواك
طالما هتبني علاقة، لازم تعرف إن أي علاقة بشرية ممكن الملل يأثر عليها، علشان كدة لازم أول بأول تجدد في المحتوى اللي بتقدمه وتطوره أو تدخل عليه بعض التغيرات اللي تخلي مُتابعينك يفضلوا مُتحمسين للجديد، التغييرات مش بس في المواضيع، كمان في شكل المحتوى وطريقة العرض وتوقيت النشر.
5. تفاعل مع الجمهور:
هنا فيه نقطتين
النقطة الأولي: إن مهما تكون مقدرتك علي إنتاج محتوي مميز، فمينفعش علي طول الخط يكون من طرف واحد، ده معناه إنك لازم تتناقش وترد علي الكومنتات والرسايل وفي بعض الاحيان تحثث طلبات متابعينك.
النقطة التانية: وهي ميزة بيديها فيسبوك لأصحاب المحتوى اللي بيحظى بتفاعل كبير وهي إنه بيوصّل المحتوى دة لعدد أكبر من الجمهور.
6. خليك حقيقي
- الانطباع الأول بيدوم، لو الجمهور تابعك في أول بوست.. اعرف إن دي الصورة اللي دايمًا هيبقى عايز يشوفها أو يحسها في كلامك، فخليك دايمًا حقيقي وبتعبر عن نفسك.. علشان هتتعب أوي في الاصطناع كل مرة وهتكون مش راضي عن نفسك وفي النهاية مسيرك هتغلط والجمهور هيعرف ده.
7. حافظ على الجودة:
- وهنا المقصود مش جودة المحتوى نفسه كمضمون بس، لكن مهم إنك تختار صور/تصميمات بجودة عالية لمحتواك.. وكمان مهم جدًا إنك تهتم بالأخطاء الموجودة في البوست بتاعك، لإن المتابع اللي كسبته بسبب بوست قديم، ممكن جدًا تخسره بسبب بوست جديد.
ملاحظة مهمة:
في البوستات اللي فاتت من #أكاديمية_ستوري_بوست (وتقدر تشوفها من هنا http://bit.ly/2K9LIZW) كنا بنتكلم بشكل مباشر عن المحتوى الشخصي مش المحتوى الإعلاني اللي بيهدف للربح، وبرغم تشابههم في كذا عنصر، إلا إن في اختلاف جوهري بينهم!
- إليكم أفضل 3 مصادر فيهم المعلومات بشكل مُبسط.
- http://bit.ly/2HlEZyl
- http://bit.ly/2qSxTHr
- https://trends.g
#أكاديمية_ستوري_بوست
مقالات ذات صلة
