ليه الشير أهم من 100 لايك؟

اتكلمنا معاكم سابقاً في #أكاديمية_ستوري_بوست عن عناصر مُهمة لأي بوست ناجح، زي العنوان القوي والبداية القوية والعناصر اللي بيتكون منها البوست نفسه.. وتقدر تشوفها من الرابط دهhttp://bit.ly/2FTQOHr

وعلشان نرجع لإجابة السؤال الأول خالص.. أزاي اقدر اجيب 1000 لايك؟ -لازم نتكلم على قوة الشير.

لو أنت شخص عادي عندك عدد أصدقاء مش كبير، جايز تشوف إن رقم 1000 لايك ضخم جدًا، لكن ده هتفهمه لما تعرف إن قوة الشير بتساوي أكتر من 100 لايك!

وعلشان البوست بتاعك يتشير والناس تتفاعل معاه يبقى لازم تنهيه بشكل مُميز!

علشان كده هنقولك على 6 طرق تنهي بيها البوست بتاعك بشكل ناجح..

١- لخصّ رسالتك!

حاول تلخص الهدف من قصتك أو الرسالة اللي عايز توصلها للقاريء في جملة أو جملتين بحد أقصى.

٢- خليك حقيقي..

لو رسالتك مش حقيقية، يبقى مُلخصك للقصة والرسالة دي مش هيلمس الناس ولا هيأثر فيهم.

٣- وصل البوستات ببعض

شارك الجمهور بلينكات لفيديوهات او بوستات تانية ليك في نهاية البوست اللي أنت بتكتبه، لأنه لو حب اللي أنت بتقدمهوله، هيحب يروح على بوست تاني بالتأكيد.

٤- ايه اللي جاي قدام؟

قول للقاريء البوست الجاي عن إيه، أو عرفه معاد البوست الجاي امتى واديله معلومات عنك عشان يستنى البوست الجديد منك.

٥- اسأل سؤال

اختم البوست بتاعك بسؤال يشجع القُراء على كتابة إجاباتهم في التعليقات عندك، دة هيزود التفاعل على البوست بتاعك وبالتالي هيوصل البوست لشريحة أكبر ويساعد على انتشاره.

٦- اطلب التفاعل من الجمهور..

شجع القاريء أنه يتفاعل معاك، اطلب منه انه يشارك البوست لو عجبه، او انه يتفاعل معاك بلايك لو حس بفايدة من البوست.

لو مانجحتش ونهيت البوست بتاعك بنهاية مُملة، بنسبة كبيرة الناس هتنسى اللي مكتوب في البوست ده، وهتفتكر انه كان ممل.. بسبب أخر جملة.

علشان كدة زي ما بتاخد وقتك في التفكير في أول جملة أو عنوان للبوست.. لازم تاخد وقتك في التفكير في نهاية البوست، وده لإن الشير ممكن يكون أهم من 100 لايك..

#أكاديمية_ستوري_بوست