أكاديمية ستورى بوست
حاجات لازم تعرفها قبل ما تكتب بوست جديد
قولنا إن فيه 4 نقاط أساسيين، الاهتمام بيهم هيساعد محتواك على لفت الأنظار، زي:
1- قوة المحتوى"، والمقصود القصة نفسها".
2- توقيت نشر البوست.
3- بِنْية البوست.
4- دائرة الأصدقاء.
شرحنا أول نقطتين، والنهار ده، هنشرح النقطة الثالثة: "بنية البوست" .
وهنا لازم تعرف إن فيه 5 عناصر يساعدوا في إن محتواك يكون متماسك وسهل الوصول لقلب وعقل القارئ.
هنتكلم عن الـ ٥ أمور دي بإيجاز:
١- ابدأ البوست بتاعك بشكل مميز؛ بسؤال مهم، معلومة جديدة، أو حتى خبر غريب أو بداية شيقة مُختصرة.
وموضوع "إزاي تبدأ أو تكتب عنوان لقصتك"، هيبقي ليها معانا شرح خاص.
المهم، إنك لو نجحت في جذب إنتباه القارئ في البداية، هتضمن على الأقل إنه يكمل قراءة الجزء الثاني.
٢- احكي قصة
الناس في كل مكان حوالين العالم بيحبوا يسمعوا قصص. لذلك، حتى لو بتشرح موضوع علمي، احكيه على شكل قصة.
"عناصر بناء قصة"، برضه هيكون من الموضوعات اللي ليها معانا بوستات خاصة قريب.
٣- تواصَل مع الناس بشكل شخصي من خلال الكلمات. استخدِم كلمات زي "أنا" و"أنت". وصّل لكل واحد من القُرّاء إحساس إنك بتكلمه هو.
٤- حاول تختصر على قد ما تقدر، منصات التواصل الاجتماعي مليانة محتويات ضخمة، ويا تلحق تعرض بضاعتك بسرعة وبذكاء، يا إما مش هتلاقي حد يخصص لك من وقته ساعات. لو القارئ حس بملل بعد أول 5 ثواني، مش هيكمل قراءة.
٥- ماتتجاهلش الأخطاء اللغوية والنحوية حتى لو بتكتب بلغة عامية، ده بيقلل من تركيز القارئ فضلًا عن إنه بيقلل من احترام المحتوى. وغالبًا مش هيكمل قراءة بسبب كثرة الأخطاء دي. راجع محتواك مرة واتنين قبل ما تنشره.
لو عندك أي سؤال، ماتنساش تكتبه في كومنت، أو على هاشتاج #أكاديمية_ستوري_بوست
مقالات ذات صلة
رسوم متحركة
تجارب حقيقية مع كُتاب مختلفين وأصحاب مواهب وخبرات متنوعة؛ هتلاقوا كتير من التشابه بينكم وبينهم. هيحكولكم إزاي البوستات الخاصة بهم حققت الشهرة والانتشار.
رسوم متحركة
تواصَل مع الناس بشكل شخصي من خلال الكلمات. استخدِم كلمات زي "أنا" و"أنت". وصّل لكل واحد من القُرّاء إحساس إنك بتكلمه هو.